La strategia prevesa divers projects pli gronds. Gronda paisa metta la vischnanca sin il temp liber. Uschia duess vegnir planisà in nov center da sport, e la cuntrada enturn il lai da Planeiras duess vegnir embellida.
A Lai duessi dar in nov center da seniors cun ina chasa da parcar. Ina midada da zona duess anc quest onn ir en votaziun. Pertutgant l’energia vul la vischnanca da Vaz analisar, nua ch’i dettia anc potenzial per producir dapli electricitad. Plinavant duess vegnir augmentada la capacitad da chalira a distanza a Valbella.
Per ils indigens duess vegnir creà dapli spazi d’abitadi, l’intent da la suprastanza è da crear spazi d’abitar pajabel. La vischnanca na duess betg bajegiar sezza, mabain crear las cundiziuns da basa ch’èn necessarias.
