A Calantgil/Innerferrera svanescha in aual simplamain en la terra. L’aua sa rimna en in lieu, sa volva pliras giadas ed è alura davent. Daco che quai capita sa nagin, i po mo vegnir speculà.
Igl è in misteri ch’in viandant ha scuvert ed infurmà il guardiaselvaschina. Simon Jäger lavura dapi passa 30 onns en quest territori, ma insatge uschia n’ha el anc mai vesì. Cunquai ch’el ha reagì immediat, ha el pudì spendrar 17 peschs, 61 èn dentant crappads. L’aual vegn surlaschà a ses destin: tenor l’Uffizi per chatscha e pestga dal Grischun n’ha saja quai betg necessari da prender mesiras.
TR sil punct 17:50