Grischun Central - Ussa ha era Savognin ina «Snow Farm» - Novitads

Grischun Central Ussa ha era Savognin ina «Snow Farm»

En divers lieus vegni gia fatg, ed ussa era en Surses. Conservar la naiv da l’enviern passà – per l’enviern proxim. Sin l’alp Somtgant conservan las Pendicularas da Savognin per l’emprima giada naiv, che vegn duvrada per far il funpark la proxima stagiun d’enviern.

Autur: RTR, Federico Belotti

Sco quai ch’il directur tecnic da las Pendicularas da Savognin SA Curdin Baltermia ha ditg, sajan radund 25’000 meters cubic naiv sut ina folia alva – sch’ins chargiass tut quella naiv sin camiuns alura dess quai 2’500 chargias. Las Pendicularas da Savognin quintan che 60 – 80% da la naiv è anc utilisabla l’enviern proxim. La naiv conservada è ina maschaida da naiv tecnica e naiv natirala.