La cunvegna cun las bancas succedia en curt. Cunquai saja la stagiun d'enviern 2017/18 segirada. L'interpresa ha però vinavant debits.
Plirs milliuns da debits restan
Sper ils debits da 6,5 milliuns ins haja er gì da nudar in deficit da 1,5 milliuns pervi da l’enviern flaivel da l’onn passà. Vitiers saja vegnì, ch’il motor da la pendiculara saja rut e quai custia puspè passa in milliun.
Soluziun per la stagiun proxima, princip speranza suenter
Malgrà tut: Suenter avair discurrì cun tut ils crediturs ins sappia uss preschentar almain per la stagiun vegninta ina soluziun. Ina cunvegna cun las bancas stettia curt avant la suttascripziun.
Mo il sustegn dal chantun, da l’Uffizi d’economia e turissem manchia, scrivan las pendicularas plinavant. Ma er qua ins saja da buna speranza. La fin finala sa posiziuneschan las pendicularas Spleia Tambo da nov e speran sin in sustegn da radund dus milliuns francs.
RR novitads 15:00