Uss accupleschia la staziun da Favugn las prescripziuns da la lescha davart l'egualitad da persunas cun impediments, scriva la Viafier retica en ina communicaziun a las medias.
Aifer in mez onn sajan vegnidas adattadas ils perruns ed il sutpassadi. Il perrun amez è vegnì auzà sin il livel ch'ils passagiers possian entrar en il tren sin la medema autezza. Tar il nov perrun maina il sutpassadi cun duas novas rampas ed ina nova stgala ch'èn tuttas sut tet. En pli è vegnida fatga ina nova illuminaziun.
Sco che la Viafier retica scriva, èn uss er l'automat da bigliets ed ils ulteriurs apparats puspè da chattar sin il perrun amez.
RR novitads 17:00
