Siglir tar il cuntegn
Inhalt

Grischun Central Uniun d’artisanadi e mastergn surdat premi d’innovaziun

La radunanza da delegads da l’Uniun grischuna d’artisanadi e mastergn ha approvà a Bravuogn il quint dal 2016. Quel serra cun in minus da bun 6’500 francs tar entradas da circa 1.9 milliuns francs. Plinavant ha l’uniun surdà il premi d’innovaziun 2017.

Urs Schädler referescha in il Kurhaus a Bravuogn.
Legenda: Urs Schädler referescha en il Kurhaus a Bravuogn. RTR, Federico Belotti

Sco quai che Urs Schädler, il directur da l’uniun ha ditg, duessan las interpresas pensar en grondas dimensiuns, ed avair il curaschi d’ir en ristgs. Radund 150 persunas èn stadas preschentas. Plinavant ha la radunanza da delegads surdà il Premi d’innovaziun 2017. Rico Kramer da la firma Esave SA ha sviluppà la glisch intelligenta da LED, che stizza automaticamain, cura che nagin è preschent. Plinavant èn vegnids surdads ils certificats per las absolventas da la scolaziun «Dunna d’affars per interpresas pischnas e mesaunas».

RTR ha dumandà differents preschents, tge ch’i fa ils pli gronds quitads il mument. Uschia ha per exempel la branscha da spazzachamins fadia d’occupar plazzas d’emprendissadi, e la branscha da laina s’accorscha anc adina ferm la concurrenza da l’exteriur. En la hotellaria è la devisa, da sa differenziar da la concurrenza cun novas ideas e novas purschidas.

RR actualitad 06:00