Siglir tar il cuntegn

Header

cuntegn

Grischun Central Uffants e giuvenils ensemen sin tribuna

Il teater Muntanellas da Cazas preschenta il teater «Il striun dad Oz». La premiera è ils 21 da settember en la clinica Beverin a Cazas. Pervi da memia blers malsauns era il teater ch’avess gì premiera gia la primavaira vegnì spustà. Il teater giogan 10 uffants da 8 fin 12 onns, sco era creschids.

Lina Frei-Baselgia la manadra da la gruppa da teater Muntanellas.
Legenda: Lina Frei-Baselgia la manadra da la gruppa da teater Muntanellas. RTR, Tona Poltera

Suenter las bunas experientschas da l’onn passà dal project da differentas generaziuns «Mut & mehr» saja ussa vegnì realisà in auter project nua che uffants giogan ensemen cun creschids. Quai è da leger en il program dal toc «Il striun dad Oz», ina paraula da Lyman Frank Baum.

«La giuventetgna è la basa ed il futur d'ina gruppa da teater sco la gruppa Muntanellas» di Lina Frei-Baselgia, la manadra da la gruppa da teater. Per la pedagoga da teater, e sco ella di sezza la mamma da la gruppa, èsi indispensabel da porscher ad uffants in conturn professiunal per tegnair en vita il plaschair vi dal far teater.

audio
Ina visita a la prova da questa primavaira
ord Actualitad dals 12.09.2017.
laschar ir. Durada: 2 minutas 58 Secundas.

Artitgels legids il pli savens