Siglir tar il cuntegn
cuntegn

Grischun Central Tusaun: Midada da la quota d'abitaziuns secundaras

L’emprim da schaner 2018 fusiunescha la vischnanca da Mut cun quella da Tusaun. Quai munta ina midada tar la quota d'abitaziuns secundaras da la nova vischnanca. Tgenina n'è però anc betg cler.

Carta cun las dus vischnancas.
Legenda: La regenza grischuna sto anc approvar la fusiun. Grafica - RTR

Actualmain è la quota da Mut memia auta per anc pudair construir abitaziuns secundaras. A Tusaun dentant èsi il mument anc pussaivel da construir abitaziuns secundaras cunquai che la quota è sut 20%.

Quota sa mida

Damai che las duas vischnancas fusiuneschan il 2018, datti ina nova quota per la nova vischnanca Tusaun. Tenor las cifras las pli actualas, quellas da l’Uffizi federal da statistica, vegnissan Mut e Tusaun il mument sin ina quota da 21%, tge ch’è memia aut per construir novas abitaziuns secundaras. Tant a Mut sco era a Tusaun èn las vischnancas però da l’opiniun che la quota da la vischnanca fusiunada pudess crudar sut ils 20%.

Nagut n'è anc cler

Cleritad davart la quota d'abitaziuns secundaras vegni damai pir a dar cura che la fusiun va en vigur. Uschia pudess Mut profitar da puspè pudair bajegiar abitaziuns secundaras. U ch'i pudess da nov esser scumandà da construir abitaziuns secundaras a Tusaun sch’ins n'ha betg las scrittiras en vischnanca.

RR actualitad 07:00