Siglir tar il cuntegn
cuntegn

Grischun Central Tusaun festivescha di da l’electromobilitad

Cun in di da l’electromobilitad è vegnida inaugurada l’emprima staziun publica per chargiar spert autos electrics en la regiun Viamala. Fatg in stop glindesdi a mezdi ha era la Wave Trophy, la pli gronda rallye dal mund cun autos electrics.

115 possessurs d'autos electrics han fatg stop a Tusaun, nua ch’els han pudì chargiar lur auto sin la via Neudorf. Enfin trais autos pon chargiar l'auto il medem mument. Cler che la capacitad per ils 110 autos e töfs electrics da la Wave Trophy ch'èn sa fermadas a Tusaun na tanscha betg.

Wave Trophy

Mintg’onn fa la Wave Trophy ina tura tras l’Europa. Quest onn fa quella la nova E-Grand Tour of Switzerland, ina ruta da passa 1’600 kilometers tras la Svizra. Cun la rallye vul l’organisatur da la rallye far pli popular autos electrics e sensibilisar la glieud per l’ecologia dals autos che van cun forza electrica.

RR actualitad 11:00