Siglir tar il cuntegn

Header

cuntegn

Tusaun Curdin Capaul resta president

Curdin Capaul resta per in'ulteriura perioda en uffizi. El ha survegnì 54% da las vuschs e cunquai gudagnà il cumbat electoral.

Il president en uffizi Curdin Capaul è vegnì reelegì per in'ulteriura perioda da trais onns. Il politicher da la Partida liberaldemocratica ha survegnì 54% da las vuschs. Il pli absolut ha muntà a 413 vuschs, Capaul ha survegnì 448.

audio
Curdin Capaul davart sia motivaziun per la proxima perioda d'uffizi
ord RTR Audio dals 28.11.2021. Maletg: RTR, Federico Belotti
laschar ir. Durada: 20 Secundas.

Ses contrahent, Ivo Rohrer, da la Partida verd-liberala ha survegnì 368 vuschs, tge che correspunda a 44%. Las ulteriuras vuschs èn idas a diversas persunas.

Curdin Capaul ha 48 onns ed è tranter auter president da l'ospital da Tusaun. Il 2017 era el stà il sulet candidat per il presidi communal da Tusaun. La presidenta da lez temp, Claudia Kleis-Kümin, era sa retratga anticipadamain.

Sper il president en uffizi è er l'entira suprastanza communala vegnida reelegida.

RTR novitads 16:00

Artitgels legids il pli savens