Siglir tar il cuntegn
Inhalt

Grischun Central Tunnel Crapteig è vegnì sanà per 28 milliuns

Il tunnel Crapteig a Tusaun è vegnì sanà. Grazia ina nova ventilaziun duessi en l’avegnir en cas da brischaments esser pussaivel, da tschitschar davent il fim. En tut èn vegnidds 44 fanestrigls d’ariaziun, e l’entira illuminaziun è vegnida midada sin LED.

Tut las glischs èn vegnidas remplazzadas entras glischs da LED.
Legenda: Tut las glischs èn vegnidas remplazzadas entras glischs da LED. Federico Belotti

La gronda part da las lavurs duess esser a fin la fin da quest mais, scriva l'uffizi federal da vias. En il decurs da l’onn vegnan anc installads ventilaturs pitschens che vegnan montads vi dal plafond.

En ina segunda fasa vegn construida ina galaria per fugir. Quellas lavurs duessan cumenzar l’onn proxim. Il tunnel Crapteig è vegnì construì l’onn 1996. El è radund dus kilometers lung ed ha ina pendenza da 6.5%.