Siglir tar il cuntegn
cuntegn

Grischun Central Tunnel Alvra: Tras la «Raibler – Rauwacke» cun agid da glatsch

Las lavurs da construcziun dal nov tunnel da l’Alvra èn en ina fasa decisiva. La zona-clav da l’entir tunnel vegn pel mument perfurada.

Legenda: Guardar il video Il nov tunnel da l'Alvra. Durada 04:29 minutas.
Or da Telesguard dals 24.11.2016.

Las proximas duas emnas vegnan chavads ils pli chars 20 meters da l’entir tunnel. Ils lavurants ston numnadamain surmuntar ina vetta da crap tut speziala – la «Raibler – Rauwacke». Gia lunsch avant l’emprima badigliada uffiziala dal nov fabricat han cumenzà las preparaziuns.

Dimensiuns cumparegliablas cun la NEAT

Ina chaverna pli gronda ch’il diameter da la NEAT è vegnida siglientada or dal grip, quai per far plazza a grond agregats ch’han stuì schelar l’entira largezza da la vetta. Mo cun questa metoda èsi uss pussaivel da surmuntar la vetta senza che l’entir tunnel vegn inundà cun crappa e lozza. RTR ha pudì dar in sguard exclusiv cur che la vetta instabila è cumparida per l’emprima giada.