Siglir tar il cuntegn

Header

Navigaziun

Legenda: Guardar il video Record da nursas che van da l'alp Flex a la tundida a Savognin. Durada 02:56 minutas.
Or da RTR dals 10.10.2015.
cuntegn

Grischun Central Tundida attira blera glieud a Savognin

La tundida da nursas tradiziunala a Savognin ha attratg blera glieud la sonda. En ina tenda sin la plazza da scola èn radund 300 nursas vegnidas tundidas.

Sco novaziun han ils organisaturs da la tundida quest onn installà ina tenda. Quella avess pussibilità da tunder las nursas era durant plievgia. Fissan las nursas vegnidas bletschas giu da l’Alp Flex, alura avessi gì in indrizs da sientar ellas, ha ditg Daniel Ulber, il president dal comité d’organisaziun.

La tundida ha gì blers aspectaturs: Foto Nursas avant la tundida
Legenda: La tundida ha gì blers aspectaturs. RTR, F. Belotti

Per l’emprima giada ha il pur da l’Alp Flex Alfons Cottì purtà las nursas a Savognin. En in viadi da bun trais uras e mez èn las nursas vegnidas a pè fin a Savognin.