La radunanza communala da la Tumleastga ha approvà gievgia saira il quint dal 2021. Quel serra cun in gudogn da sur 297'000 francs, quai tar expensas da radund 12,6 milliuns francs ed entradas da stgars 12,9 milliuns francs.
Nov contract da finanzas per la collavoraziun cun la scola da Giuvaulta
Ultra da quai ha la radunanza communala approvà da cuntinuar la collavuraziun da la scola cun quella da la vischnanca Giuvaulta. Quai dentant sin basa din nov model da finanzas, che duai prender ils custs cumplains che duain esser pli simpel da quintar e che sajan pli transparent.
Revisiun parziala tar la lescha da votaziuns ed elecziuns
Perquai ch'il Cussegl grond ha il december 2021 approvà ch'il chantun surpiglia il porto tar las votaziuns ed elecziun cun brev, na datti naginas chaschas da brevs da francziun pli. En consequenza vegnan ils artitgels da lescha che stattan en conex cun quai adattads.
