Da sia radunanza communala ha la vischnanca da Tumleastga approvà pliras fatschentas. Tranter auter ha il suveran ditg Gea ad in credit da 1,2 milliuns francs per construir da nov il reservuar «Trans» ed ad ina revisiun parziala da la planisaziun locala a Paspels per sanar la via da vischnanca Quadrella.
Percunter n’ha la dumonda da credit per engrondir la chasa da scola a Rodels chattà nagina maioritad. Persuenter ha la vischnanca approvà ina cuntraproposta che prevesa da far in concept general per las chasas da scola e d’examinar alternativas.