- Ils responsabels èn trumpads che la chasa da tgira e d'attempads da Tusaun ha bandunà il project.
- I dat pliras pussaivladads: spetgar, cuntinuar cun ils partenaris restants ubain tschertgar novs.
- Ina fusiun è uschia realistica pir sin l'onn 2020.
I dettia diversas opziuns per l’avegnir, ha ditg Johannes Pfenninger, il president dal comité directiv Traversina: «Far nagut, fusiunar cun ils trais partenaris che restan, tschertgar novs partenaris, u spetgar sin la nova lescha da la tgira da malsauns dal chantun, nua ch’ins po quintar cun divers impuls en la direcziun ch’ins vuleva ir cun il project Traversina».
Da realisar il project da fusiun gia sin l’entschatta da l’auter onn na saja ussa betg pli pussaivel, realistica saja ina fusiun sin l’onn 2020, uschia Pfenninger. Pertutgant novs partenaris pussaivels na sappian ins per il mument anc dir nagut.
Il project Traversina è vegnì preschentà a las medias avant in onn. L’idea da quest project da fusiun è da nizzegiar sinergias, per exempel en l’administraziun, tar l’informatica e tar il persunal.
RR actualitad 07:00
