Siglir tar il cuntegn

Header

cuntegn

Grischun Central Trais Sursetters visitan Sur en l‘Oman

En la segunda episoda da «Verkehrte Welt» da la televisiun Svizra midan ils purs Grischuns Linard, Manuel ed Andrin Cotti lur vita cun ils dus cusrins dal desert Abdullah e Haitham al Balushi da Sur en l’Oman.

Linard, Manuel ed Andrin Cotti èn trais frars da Sur en il Surses. Ensemen cun lur geniturs mainan els in bain puril. Per in’emna midan els lur vita cun ils dus cusrins dal Oman. A la Costa dal Golf sa chatta la citad da desert Sur.

audio
Saira: Sur visita Sur en l'Oman e viceversa
ord Actualitad dals 26.02.2016.
laschar ir. Durada: 3 minutas 57 Secundas.

Il medem mument viagian Abdullah e Haitham Al Balushi, dus cusrins, en las muntognas Svizras. Malgrà ina cultura estra e problems cun la lingua peglia Alfons, il bab dals frars Cotti, si ils dus mats da l’Oman en ses bain puril sin l’Alp Flex.

L'emissiun «Verkehrte Welt» da la televisiun svizra SRF vegn mussada ils 26 da favrer 2016 a las 21:00 h sin SRF1.

Artitgels legids il pli savens