Siglir tar il cuntegn
Inhalt

Grischun Central Trais candidats per il presidi da l'Uniun purila grischuna

Gievgia elegia l’Uniun purila grischuna in nov president. Ils trais candidats èn Curdin Capeder da Cumbel, Hans Peter Michel da Tavau e Thomas Roffler da Grüsch.

Il president da l'Uniun dals purs Grischun a la radunanza generala dal 2014
Legenda: Suenter 12 onns ha Hansjörg Hassler avunda e dat giu il presidi. RTR, F. Belotti

2‘300 manaschis purils dal Grischun han la pussaivladad dad eleger il nov president. Il president vertent Hansjörg Hassler è stà 12 onns en uffizi. Il pur da Donat è cusseglier naziunal da la PBD.

Dapi ils onns 1960 è il president da l’Uniun purila grischuna adina stà il medem mument er en il parlament a Berna. Dals trais candidats per il presidi da l’Uniun purila grischuna è Hans Peter Michel in candidat per il Cussegl naziunal.