Tes vitg – tia istorgia - Fatschas e chasas da Ziràn
Il vitg da Ziràn-Reschen quintava gia l'onn 1880 337 abitantas. Oz èn quai ca. 400 persunas che vivan en il vitg da la Val Schons che giascha sin 945 m s.m. Nus essan ids in zic tras il vitg e las avain purtretà.
Legenda:
Andreetta Schwarz
Andreetta Schwarz è ustiera da la singula ustaria a Ziràn. Ella na discurra betg rumantsch, però chapescha in zic damai che sia tatta discurriva adina rumantsch cun ella.
En si'ustaria serva ella ses capuns, ch'han gudagnà ina medaglia d'aur il 2013 sco meglier product regiunal. Il recept dals capuns dad Andreetta Schwarz resta dentant in secret.
RTR, Seraina Derungs
2 / 14
Legenda:
Gierina Mark
La giuvna da 16 onns fa l'emprendissadi da pura.
RTR, Seraina Derungs
3 / 14
Legenda:
Anni e Jakob Clopath
L'anteriur pot da Ziràn, Jakob «Kobel» Clopath cun sia dunna Anni.
RTR, Seraina Derungs
4 / 14
Legenda:
Jakob «Kobel» Clopath
Bunamain 45 onns è el stà en la medema plazza sco pot e di cun in surrir: «Jau sun stà postin cun pel ed ossa».
RTR, Seraina Derungs
5 / 14
Legenda:
Anni Clopath
Anni Clopath, dunna da l'anteriur pot da Ziràn, è oriundamain da l'Austria, dal Salzburgerland.
RTR, Seraina Derungs
6 / 14
Legenda:
Emilia Gadient-Clopath
Creschida si è Emilia Gadient-Clopath a Ziràn en ina famiglia da purs. Per ella era cler, ch'ella vul daventar in di nagut auter che pur. Ella na saja mai stada ina dunna da chasa. Ensemen cun ses um e ses figl fan els il puresser cun bun 40 bestgas.
RTR, Seraina Derungs
7 / 14
Legenda:
Patrick Müller
Oriundamain vegn Patrick Müller da Susch en Engiadina Bassa. Ma sia dunna Chantal, lezza è ina oriunda da Ziràn, ina Cajöri. Ed il spezial vi da questa schlatta è, ch'i dat be var 40 Cajöri's. Tuts oriunds da Ziràn. Bun la mesadad vivia en l'America.
RTR, Seraina Derungs
8 / 14
Legenda:
Christ-Andri Hassler
Quai ch'il bab Christian Hassler ha cumenzà avant bun 35 onns en ina garascha è uss ina fatschenta cun ina svieuta annuala da bun 3 milliuns francs. E dapi var trais onns e mez ha il figl Christ-Andri Hassler pli u main surpiglià il timun.
RTR, Gion Gieri Flepp
9 / 14
Legenda:
Elsbeth Iseppi-Cantieni
Gia da buoba ha Elsbeth Iseppi-Cantieni vulì daventar ustiera. E quest siemi è lura era ì en vigur. Ella ha avert ensemen cun ses um Celso il 1981 l'ustaria Pro l'ava a Ziràn. Avant ha ella manà la Posta Veglia, pli ensi en il vitg.
RTR, Seraina Derungs
10 / 14
Legenda:
Elsbeth Iseppi-Cantieni
Elsbeth Iseppi-Cantieni en si'ustaria pli baud.
RTR, Seraina Derungs
11 / 14
Legenda:
Felix Nöthiger
«Jau na sun betg chastellan mabain pedel...», di Felix Nöthiger da sasez. Oriundamain da Turitg, abita el uss en la regiun ch'el enconuscha entant bain. 50 onns ha el numnadamain restaurà e reconstruì la ruina dal chastè Haselstein sur Reschen.
RTR, Seraina Derungs
12 / 14
Legenda:
Petra Lanicca
Petra Lanicca n'abita betg a Ziràn ma lavura là ed enconuscha quasi mintgin sco vendidra en il Volg.
RTR, Gion Gieri Flepp
13 / 14
Legenda:
Marianna Patscheider
Ella guarda ch'ils millis da turists chattan la dretga explicaziun dals 153 renumads purtrets en la baselgia renumada da S. Martin.
RTR, Seraina Derungs
14 / 14
Legenda:
Andreas Danuser
El vegn da Tusaun, ma lavura sco actuar communal a Ziràn.
RTR, Seraina Derungs
Cun ina u l'autra persuna avain nus discurrì pli en detagl
Ma betg be las persunas avain nus purtretà, nus avain er dà in sguard en il vitg sez ed avain chattà intginas impressiuns bellas. Dai in sguard tras la galleria qua sut:
1 / 9
Legenda:
Chasa veglia da Ziràn.
RTR, Seraina Derungs
2 / 9
Legenda:
In balcun che collia la chasa cun la stalla.
RTR, Seraina Derungs
3 / 9
Legenda:
Sper la butia dal vitg dal Volg datti er in pitschen kiosk cun products regiunals.
RTR, Seraina Derungs
4 / 9
Legenda:
Ziràn giascha sin 945 m s.m. ed ha bun 400 abitants.
RTR, Seraina Derungs
5 / 9
Legenda:
La renomada baselgia da S. Martin a Ziràn. 153 tavlas raquintan istorgias ord la bibla. Ella carmala visitaders da l'entira Europa.
RTR, Seraina Derungs
6 / 9
Legenda:
Chasa nova a Ziràn.
RTR, Seraina Derungs
7 / 9
Legenda:
Amez vitg cun vista sin las muntognas.
RTR, Seraina Derungs
8 / 9
Legenda:
Ziràn suenter in stemprà da stad la saira.
RTR, Seraina Derungs
9 / 9
Legenda:
Vista sin Ziràn giudim suenter in urizzi. Davostiers vesan ins la vischnanca da Donat.
RTR, Seraina Derungs
