Siglir tar il cuntegn

Header

Navigaziun

Maletg dad ina emprova.
Legenda: Il persunal d'hotel è surprais da quai ch'è da leger en gasetta. d.s. Stefanie Bruckner, Marco Luca Castelli, Katrin Ingendoh, Dietmar Horcicka e Madeleine Haipt. RTR, Carin Caduff
cuntegn

Teater Cuira Da la mieur grischa tar la grande dame ed enavos

Il reschissur da teater Felix Benesch ha inscenà il roman da Stefan Zweig «Rausch der Verwandlung». Il toc vegn mussà il settember en la Klibühni a Cuira ed ils 20 e 21 da december en l'Hotel Walther a Puntraschigna.

Christine, la protagonista principala en il toc «Rausch der Verwandlung» è ina dunna che viva en relaziuns modestas en in pitschen vitg en l'Austria. In di survegn ella ina invitaziun da sia onda bainstanta en l'hotel da luxus Walther a Puntraschigna.

Cura che Christine arriva en quest hotel vegn ella pertscherta da sia atgna povradad e sa turpegia per sia derivanza.
Autur: Felix BeneschReschissur

L'onda vestgescha sin quai sia nezza en vestgadira eleganta e la transfurmaziun da la mieur grischa en la princessa cumenza. La cumparsa eleganta evochescha reacziuns positivas e la sturnadad da la transfurmaziun cumenza per la protagonista. Ella sa perda en il mund dals bels e ritgs e sa dat ora per insatgi auter. Ma insacura vegn quella manzegna scuverta e Christine Hoflehner sto fugir enavos en sia veglia vita.

RR actualitad 11:00