A partir dal prim da matg gestiunescha TCS Camping il campadi Viamala a Tusaun. Quai ha communitgà il Touring Club Svizra. Da nov maina il TCS Camping tschintg campadis en il Grischun e 24 en l’entira Svizra.
Avant in onn era vegnì enconuschent, ch'il campadi Viamala aveva deponì la bilantscha tar l'Uffizi da concurs. L'atun da l'onn passà aveva la vischnanca da Tusaun lura cumprà il campadi cun ustaria ed indrizs sanitars.
Il campadi Viamala è avert l’entir onn e porscha radund 100 plazs per campar. Il 2012 è il campadi vegnì sanà dal tuttafatg.
RR novitads 09:00
