Siglir tar il cuntegn

Header

Navigaziun

Purtrt da Tatjana Horvath.
Legenda: Tatjana Horvath banduna gia suenter dus mais puspè sia plazza. MAD
cuntegn

Grischun Central Sviluppadra regiunala Alvra ha bandunà regiun

Tatjana Horvath ch’ha surpiglià la nova plazza sco sviluppadra per la regiun Alvra ed il Parc Ela, ha desditg la plazza sin la fin da favrer. Pir il schaner da quest onn ha ella cumenzà sia nova funcziun.

Sco quai che la Regiun Alvra scriva en ina communicaziun bandunia Tatjana Horvath la plazza, per sa focusar sin sia cumpetenza-clav, l’economia da manaschi. Per la Regiun Alvra haja ella pudì furmar e bajegiar si las structuras fundamentalas da la nova plazza. Ils responsabels deploreschan la desditga. Sco quai che Roman Bergamin, il manader da la Regiun Alvra ha ditg sin dumonda da RTR, vegnia la plazza scritta ora da nov.

La plazza vegn finanziada per ina mesadad cun daners da la nova politica regiunala che l’Uffizi per economia e turissem dal Grischun AWT metta a disposiziun, sco la regiun Alvra scriva. L’autra mesadad surpiglia il parc natiral regiunal Parc Ela.

RR actualitad 17:00