Siglir tar il cuntegn
cuntegn

Grischun Central Surses: Thomman è 100 dis en uffizi

Dapi 100 dis è il president communal da la nova vischnanca Surses en uffizi. Leo Thomann tira ina bilantscha positiva.

Dal 1997 fin il 2010 è Leo Thomann stà deputà dal cussegl grond per il cirquit Surses.
Legenda: Dal 1997 fin il 2010 è Leo Thomann stà deputà dal cussegl grond per il cirquit Surses. RTR, F. Belotti

«Jau ma sent fitg bain ed hai grond plaschair vi da la lavur», di Leo Thomman. I saja ina lavur fitg interessanta e vasta. En ils emprims 100 dis haja el survegnì da grop ina survista dals affars en vischnanca, senza però enconuscher gia tut ils detagls. Ina gronda sfida per l’avegnir sajan franc las differenzas culturalas e las differentas leschas e reglaments da taxas da las nov fracziuns, uschia Leo Thomann.