A Surses ha la radunanza communala concedì in credit da 250’000 francs per la renovaziun dal Hotel Piz Mitgel a Savognin. Quai ha la radunanza decidì cun mo ina cuntravusch. La contribuziun correspunda a 5% da la summa d'investiziun totala per cumprar e sanar l'hotel.
Ulteriuras decisiuns
- La radunanza communala ha approvà il rendaquint 2020. Quel serra cun in surpli da radund 950'000 francs.
- Vitiers ha il suveran da Surses approvà la prefinanziaziun da 2 milliuns francs per construir ina nova chasa da scola a Savognin.