Siglir tar il cuntegn

Header

Navigaziun

Leo Thomann, il president communal da Surses durant l'emprima badigliada da la nova pendiculara Savognin - Tigignas la primavaira da quest onn.
Legenda: Leo Thomann, il president communal da Surses durant l'emprima badigliada da la nova pendiculara Savognin - Tigignas la primavaira da quest onn. RTR, Federico Belotti
cuntegn

Grischun Central Surses : Leo Thomann candidescha puspè

La fin da l’onn finescha l’emprima legislatura. Enfin la fin da zercladur han ils funcziunaris da la vischnanca Surses pudì inoltrar lur demissiun. Ed ussa èsi cler : Il president communal Leo Thomann candidescha danovamain, mo Karin Hersche dal departament da turissem, immobiglias e santeri chala.

Gian Sonder e Toni Sonder da Salouf, Giancarlo Torriani da Beiva èn ils suprastants che vulan cuntinuar cun lur uffizi la perioda dal 2020 fin il 2024. L’elecziun dal presidi e da la suprastanza è ils 6 d’october. Fin 20 dis avant l’elecziun èsi pussaivel d’inoltrar candidaturas – elegiblas èn mo quellas persunas ch’èn sin la glista. Demissiunà sco commembra da la cumissiun da gestiun ha Sandra Baltermia-Guetg da Salouf. Dal cussegl da scola sorta Gilda Jäger-Iseppi da Cunter.

RR novitads 17:00