Siglir tar il cuntegn

Header

cuntegn

Surses Iniziativa vul reintroducir idiom en scola

A Surses duain ils scolars puspè avair scola en lur idiom surmiran enstagl da rumantsch grischun. In comité haja lantschà ina iniziativa dal pievel, rapporta la gasetta «Suedostschweiz».

A partir da l'onn da scola 2020/2021 duain scolars da Surses puspè avair scola per surmiran e betg pli per rumantsch grischun. L'iniziativa dal pievel na sa drizzia però betg cunter il rumantsch grischun, vegn Simon Bergamin – in dals iniziants – cità en la gasetta. La finamira da l'iniziativa saja da rinforzar l'idiom surmiran e da mantegnair ina part da la cultura.

audio
Saira: Ils iniziants
ord Actualitad dals 24.05.2019.
laschar ir. Durada: 1 minuta 49 Secundas.

Ord vista giuridica na stettia nagut en ils pes per midar la lingua da scola dal rumantsch grischun a l'idiom surmiran. Tenor la constituziun chantunala possia numnadamain la vischnanca decider davart quai, scriva la «Suedostschweiz» vinavant.

Per che l'iniziativa reusseschia, stoppian 100 persunas cun dretg da votar a Surses suttascriver l'iniziativa.

RR novitads 22:00

Artitgels legids il pli savens