Siglir tar il cuntegn
Inhalt

Grischun Central Surses ha elegì la nova suprastanza

En tut las 9 vischnancas dal Surses è oz vegnida elegida la suprastanza communala da la nova vischnanca Surses. Quella va en vigur il schaner da l’auter onn.

Leo Thomann da Parsonz è l’emprim president communal da la vischnanca da Surses. Il liberaldemocrat è stà il sulet candidat per il presidi. El è vegnì elegì cun exact 800 vuschs e 97 cedels vits.

Per in dals 4 posts en suprastanza han candidà 8 persunas. 556 – las pli bleras vuschs – ha survegnì Karin Hersche da Savognin. Il president communal da Salouf Gian Sonder ha survegnì 528 vuschs, Toni Sonder da Salouf 486 vuschs, e Giancarlo Torriani da Beiva è vegnì elegì cun 472 vuschs.

A l’elecziun èn sa participadas 51,9% da las votantas e votants dal Surses.