Siglir tar il cuntegn

Grischun Central Surses: Fusiun da vallada daventa realitad

Sco davosa vischnanca, ha Savognin decidì questa dumengia a l’urna da fusiunar. Il resultat: 320 tar 90 vuschs. En vigur duai la nova vischnanca ir il schaner 2016. Ina fusiun ch'è colliada cun spetgas e speranzas, surtut da la vischnanca pitschna da Mulegns

Legenda: Guardar il video «Spetgas e speranzas dals da Mulegns en vista da la fusiun». Durada 2:55 minutas.
Or da Telesguard dals 27.04.2015.
Ina charta cun tut las nov vischnancas dal Surses.
Legenda: Tut las nov vischnancas dal Surses fusiuneschan. RTR

Las ulteriuras otg vischnancas avevan gia decidì a lur radunanzas communalas dals 27 da mars da vulair fusiunar, quai cun 336 vuschs gea e 71 vuschs na.

Sper Savognin fan part a la fusiun Bivio, Cunter, Marmorera, Mulegns, Riom-Parsonz, Salouf, Sur e Tinizong-Rona. La nova vischnanca Surses vegn a dumbrar radund 2'400 abitants. L’administraziun communala na vegn betg ad esser en la chapitala Savognin, mabain a Tinizong. Il chantun sustegna la fusiun cun 8,8 milliuns francs. Il pe da taglia duai vegnir fixà sin 100 %.