Siglir tar il cuntegn
cuntegn

Grischun Central Surses: Emna da circus per uffants indigens

Il circus Marotte da Turitg fa per la setavla giada fermada a Savognin per in’emna da circus. Uffants tranter 7 e 16 onns sa participeschan.

Ils uffants han pudì tscherner sch’els vulan esser clowns, acrobats u schongladers. Durant 5 dis treneschan els per ina preschentaziun e quai cun grond engaschi e plaschair. Venderdi a las sis la saira ha lieu ina preschentaziun en la sala da Grava per tut ils interessads.