Siglir tar il cuntegn

Header

cuntegn

Surses Demissiun pervi da «decisiuns illegalas»

In commember da la cumissiun da construcziun da la vischnanca da Surses ha inoltrà sia demissiun anticipada sin la fin da quest mais. El na va betg d’accord cun l’agir dal parsura da la cumissiun.

Sco quai che Franco Poltera scriva en ina brev da lecturs en la Pagina da Surmeir, haja el inoltrà sia demissiun pervia da «decisiuns illegalas» aifer la cumissiun da construcziun. Suenter la seduta dals 11 d’avust haja el constatà cun grond smirvegl, ch’il president da la cumissiun da construcziun e commember da la suprastanza da Surses, dettia dapli paisa a la pressiun economica, che da resguardar la lescha da construcziun.

Qua vulessan las Pendicularas da Savognin construir abitaziuns per il persunal.
Legenda: Qua vulessan las Pendicularas da Savognin construir abitaziuns per il persunal. Federico Belotti

Uschia saja vegnì publitgà in project, malgrà che quel na correspundia betg a la lescha da construcziun. Tenor retschertgas da RTR sa tracti dal il project da las pendicularas, che vulan construir abitaziuns da persunal tar la staziun da val da l’anteriura pendiculara Savognin–Radons.

Il president da la cumissiun da construcziun sco er il president communal da Surses, n’han betg vulì prender posiziun envers las reproschas, cun quai ch’i sa tractia d'ina dumonda da bajegiar che saja anc pendenta. 

audio
Per tadlar curt e cumpact
ord RTR Audio dals 16.09.2021.
laschar ir. Durada: 1 minuta 10 Secundas.

RTR novitads 12:00 ;

Artitgels legids il pli savens