Siglir tar il cuntegn
Inhalt

Grischun Central Surses: Beat Jenal daventa schefchanzlist

La suprastanza transitorica da la nova vischnanca Surses ha elegì ils commembers da la direcziun generala. Sco chanzlist principal, manader e coordinatur è vegnì elegì Beat Jenal, il chanzlist actual da Savognin.

Actualmain è Beat Jenal chanzlist a Savognin.
Legenda: Actualmain è Beat Jenal chanzlist a Savognin. mad

Il chanzlist actual da Tinizong-Rona Mario Dosch surpiglia il sectur da finanzas. Sco responsabel per l’uffizi da construcziun è vegnì elegì Marco Guetg che lavura actualmain per l’uffizi da construcziun da Savognin. Per la direcziun dal forestalesser ed il servetsch tecnic na datti anc nagina soluziun, cunquai che Peter Janutin da Savognin ha retratg sia candidatura. El na gieva betg d’accord cun las propostas da ses engaschament. La Pagina da Surmeir da gievgia menziunescha dentant che Peter Janutin saja vegnì elegì en quest post. Sco quai che Gian Sonder, il parsura da la suprastanza transitorica, ha ditg envers RTR, sa perstgisa el per la communicaziun sbagliada ch’el haja fatg per la suprastanza transitorica. La nova vischnanca Surses va en vigur sin l’emprim da schaner 2016.