Siglir tar il cuntegn
cuntegn

Grischun Central Surses approvescha credits da 4.6 milliuns

La radunanza communala da Surses ha approvà differents credits d’investiziun. Plinavant ha il suveran approvà il budget dal 2017. Il pe da taglia dal 2017 resta sin 100% da la taglia chantunala simpla. La dumonda per il credit Stanza da gôt Lareschs è vegnida spustada.

Il center da passlung a Rona.
Legenda: Rona vul s'etablir sco center da cumpetenza da passlung. RTR, Federico Belotti

Ils suandants credits han las votantas ed ils votants approvà:

  • Sanaziun plazza da sport Beiva inclusiv in nov bajetg 620’000 francs
  • Sanaziun via chantunala Rona Soura 270’000 francs
  • Sanaziun Veia Tect a Savognin 730’000 francs
  • Sanaziun via chantunala Beiva 310’000 francs
  • Equipaziun zona d’industria Gneida a Salouf 400’000 francs
  • Sanaziun via da guaud Lungatigia a Parsonz, 750’000 francs
  • Traject ed infrastructura center da passlung Rona,1’270’000 francs
  • Sanaziun staziun da trafo da l’ovra electrica a Cunter 300’000 francs
  • La decisiun davart il credit da 650'000 francs per la construcziun da la Stanza da gôt Lareschs a Savognin è vegnida spustada. Quai sin proposta d'in votant. El veglia l'emprim vesair co il bajetg vesa ora, e betg votar davart in bajetg ch'ins na sappia betg co ch'el vesia ora. Actualmain elavurescha la vischnanca da Surses ina concurrenza d'architectura anonima.
    Plinavant ha il votant ditg, ch'i fissi meglier d'investir ils daners per exempel en la renovaziun da la stanza tar la plazza da sajettar a Tinizong-Rona. Il suveran ha acceptà la proposta da spustar la dumonda da credit.
Toni Sonder
Legenda: Toni Sonder da la suprastanza communala preschenta ils detagls davart il center da passlung. RTR, Federico Belotti