Siglir tar il cuntegn

Header

video
KIBAG sa dosta encunter il chantun
Or da sil punct dals 29.06.2020.
laschar ir
cuntegn

Surdada da lavurs publicas Firma da bajegiar KIBAG fa frunt al chantun

Ils 29 da matg ha la Regenza grischuna decidì da sclauder l'interpresa da construcziun KIBAG per quatter onns da tut las lavurs publicas dal chantun Grischun. Encunter questa decisiun ha la KIBAG fatg recurs tar la Dretgira administrativa dal Grischun. La dretgira ha sinaquai relaschà ina disposiziun superprovisorica che di – ch'il cantun na dastga il mument betg sclauder la KIBAG da lavurs dal chantun.

Las renfatschas da la KIBAG

Il chantun emprovia da retardar surdadas da lavurs – u ch’el tschertgia auters motivs per betg surdar las lavurs a la KIBAG. Quai ha ditg a RTR Jann Ruckstuhl, il mainafatschenta da KIBAG per il Grischun. Cun la disposiziun da la Dretgira administrativa quinta el da survegnir las lavurs da cuvrida sin il traject tranter Parpan e Valbella. Là aveva la KIBAG inoltrà la pli favuraivla offerta, e stuess tenor lescha da submissiun vegnir resguardada per la lavur.

Procedura pendenta

Il chantun na prenda il mument betg posiziun, damai ch'il cas saja pendent avant Dretgira administrativa. Ina sentenzia vegn spetgada en il decurs dal fanadur. Sin fundament da la situaziun actuala ha la firma KIBAG dentant gia instradà ina ulteriura procedura. Ella ha denunzià il chantun Grischun tar la WEKO.

RTR actualitad 12:00

Artitgels legids il pli savens

Ir a sanester Ir a dretg