Siglir tar il cuntegn

Grischun Central Sufers: Senda da viandar lung dal lai

A Sufers è vegnida inaugurada la sonda ina nova senda da viandar lung dal lai da fermada. La senda è vegnida realisada cun lavur voluntaria.

La senda da viandar al lai da Sufers passa ussa dasperas la riva.
Legenda: La senda da viandar al lai da Sufers passa ussa dasperas la riva. mad
Paul Tobler, il president dals lavurers da Meilen ed Uster infurmescha davart la lavur ch'è vegnida fatga.
Legenda: Paul Tobler, il president dals lavurers da Meilen ed Uster infurmescha davart la lavur ch'è vegnida fatga. mad

Sco quai che Viamala Turissem scriva en ina communicaziun, saja la nova senda da viandar vegnida realisada da commembers da l’associaziun da lavurers communals da Meilen ed Uster. La nova senda da viandar è dus kilometers e mez lunga, e passa dasperas la riva dal lai vi. Igl è pussaivel da circumdar il lai. Cun quai che la senda da viandar è vegnida fatga en lavur voluntaria, hai dà mo custs da material, pernottaziuns e carburant per las maschinas. La gronda part è vegnida finanziada da sponsurs, il rest ha pajà la vischnanca da Sufers. Tar la collavuraziun cun Meilen ed Uster saja quai vegnì entras il suprastant da Sufers Hans Hasler, che viveva a Meilen.