10 dis suenter ch'i dat la nova vischnanca da Surses, ha il suveran decidì da sustegnair il bogn a Savognin. Sco quai che l'Agentura da novitads rumantscha (ANR) rapporta, èn omaduas contribuziuns per il project al lai Barnagn approvadas:
- 551 gea : 403 na - a l'investiziun da 4 milliuns francs din 551 votants gea e 403 na.
- 536 gea : 415 na - a la contribuziun annuala da maximalmain 400'000.- vi dal bogn.
Quai tar ina participaziun da bun 53%.
Emprimas lavurs anc quest onn
Anc quest onn vulan ils organisaturs cumenzar a bajegiar in hotel cun 200 letgs, in bogn public ed in ressort da vacanzas cun 96 abitaziuns. Ils custs calculeschan ils responsabels a 106 milliuns francs. Ils investurs avevan fatg dependenta l’investiziun dal project da la participaziun finanziala da la vischnanca da Surses al bogn da l’hotel.
audio
Bunura: Surses sustegna il bogn planisà a Savognin
ord Actualitad dals 11.01.2016.
laschar ir. Durada: 3 minutas.