Grischun Central - Stauscha-fain per prads fitg taiss
Il Plantahof ha organisà ina demonstraziun da novs stauscha-fain si Mut Sur. Sin sur 1’800 meters sur mar han bunamain 600 purs ed interessads persequità la demonstraziun da diversas firmas dad maschinas agriculas.
Legenda:
Il Plantahof ha organisà ina demonstraziun da novs stauscha-fain si Mut Sur.
RTR, M. Candrian
2 / 5
Legenda:
Il Plantahof ha organisà ina demonstraziun da novs stauscha-fain si Mut Sur.
RTR, M. Candrian
3 / 5
Legenda:
Il Plantahof ha organisà ina demonstraziun da novs stauscha-fain si Mut Sur.
RTR, M. Candrian
4 / 5
Legenda:
Il Plantahof ha organisà ina demonstraziun da novs stauscha-fain si Mut Sur.
RTR, M. Candrian
5 / 5
Legenda:
Il Plantahof ha organisà ina demonstraziun da novs stauscha-fain si Mut Sur.
RTR, M. Candrian
audio
Bunura: Stauscha-fain per prads fitg taiss
04:39 min, ord Actualitad dals 31.08.2015.
laschar ir. Durada: 4 minutas 39 Secundas.
En blers lieus dal chantun Grischun n’èsi betg pussaivel dad ir cun il chargia fain. Numnadamain là nua ch'igl è memia taiss. Pli baud devi sulettamain rastels da rimnar il fain en da quels lieus. Suenter avair raschlà il prà, mettev’ins il fain en ponns e purtava els insanua nua ch'igl era pli pauc tais.
Oz datti sper ils rastels anc suffladers da fain ch'il pur porta si dies. Ultra da quai datti uschenumnads stauscha-fain che funcziunan ensemen cun in motor da segar, simplamain cun in auter indriz si davant.
Pli effizient che suffladers da fain
Tenor Konrad Merk dil Plantahof gidian ils stauscha-fain als purs. Sch'ils prads sajan bels e gulivs sajan las maschinas che sumeglian in criec da naiv pli effizientas che suffladers da fain. Savens stoppian ins tuttina anc ir suenter cun il rastè. La canera dal stauscha-fain saja dentant pli empernaivla che quella dal sufflader, di Merk.
