Siglir tar il cuntegn

Grischun Central Spleia – Tambo SA: 3 candidats per il cussegl d'administraziun

Franco Quinter da Brienz, Ivo Frei da Fürstenaubruck e Karl Liechti da Widnau (SG) candideschan sco commembers novs dal cussegl d’administraziun da las pendicularas Spleia – Tambo SA, quai ha confermà il directur Andrea Camastral ad RTR.

Pendiculara Spleia-Tambo
Legenda: Pendiculara Spleia-Tambo RTR

Ils 12 da schaner eran trais commembers dal cussegl d’administraziun da las pendicularas Spleia – Tambo SA sa retratgs: il president Silvio Catrina ed ils dus commembers Gion - Andri Decurtins e Richard Hänzi. Il motiv è che la relaziun cun la vischnanca da Spleia era disturbada. Vinavant a disposiziun stattan il president communal da Spleia Renato Mengelt ed il president communal dad Andeer Hans Andrea Fontana.

Tractanda spustada

Il december vess Spleia gì da decider d'auzar il chapital d’aczias per 1,3 milliuns francs. Mo questa tractanda era vegnida spustada. Perquai ston las pendicularas da Spleia – Tambo spetgar vinavant sin ils daners. Ellas èn dependentas dal sustegn da las 12 vischnancas.

Las elecziuns vegnan fatgas venderdis, ils 28 d’avrigl, a la radunanza generala da las pendicularas.

RR novitads 11:00