Siglir tar il cuntegn

Header

cuntegn

Grischun Central Skelet da Savognin è passa 1'000 onns vegl

Il skelet ch’è vegnì chattà l’avust tar lavurs da construcziun, datescha dal temp da 982 fin 1029 suenter Cristus. Quai ha mussà l’analisa ch’è vegnida fatga da la Scola politecnica federala da Turitg.

audio
Bunura: Skelet da Savognin è passa 1000 onns vegls
ord Actualitad dals 11.01.2017.
laschar ir. Durada: 2 minutas 25 Secundas.

Tenor l’archeolog chantunal Thomas Reitmaier haja l’analisa d’in dent dal skelet chattà cumprovà, ch’il skelet saja d’in uman masculin pli giuven. Quel saja vegnì sepulì sin il dies en ina fossa da crappa simpla. Cun quai ch’il lieu dal chat è en ina zona da bajegiar, vegn il Servetsch archeologic era en l’avegnir a persequitar las lavurs da construcziun.

Uschia vegn analisada la vegliadetgna da l'ossa

L’analisa dal skelet chattà l’avust passà è vegnida fatga tenor la metoda da C14. Tenor Thomas Reitmaier piglian tut ils umans e plantas si la substanza radioactiva C14 che vegn producida en l’atmosfera. Cura che la creatira moria, giaja il C14 en decadenza.

En il labor da la ETH saja quai pussaivel, da mesirar la concentraziun da C14 en tut las materias organicas. Cun definir la concentraziun da C14 saja pussaivel d’analisar il mument da la mort. Quai possia esser ina planta, in uman u in animal. Cun questa metoda saja pussaivel da dir sin 100 fin 200 onns exact cura che la creatira è morta.

Qua suppona il Servetsch archeologic dal Grischun anc da chattar ulteriurs skelets en il futur.
Legenda: Qua suppona il Servetsch archeologic dal Grischun anc da chattar ulteriurs skelets en il futur. RTR, Federico Belotti

RR actualitad 07:00

Artitgels legids il pli savens