Siglir tar il cuntegn

Header

cuntegn

Grischun Central Skateline Alvra spera da pudair avrir la fin d'emna

Perquai che plievgia ha donnegià la via da patinar dad Alvagni a Surava, e perquai che las temperaturas èn il mument memia autas, è la Skateline serrada per il mument. Venderdi u il pli tard la fin d’emna duess ella puspè avrir, ha ditg Giorgio Bossi, il president da l’uniun Skateline Alvra.

Probabel po la Skateline puspè avrir la fin d’emna proxima, magari era schon il venderdi: «Nus essans optimistics che las temperaturas sa sbassan puspè vers la fin d’emna», uschia Giorgio Bossi. Cun la stagiun d’enviern d’enfin oz sajan ins fitg cuntent, las frequenzas sajan en il rom da l’onn passà. Las cifras definitivas n’èn dentant betg anc avant maun. La Skateline Alvra ha avert anc enfin l’entschatta da mars.

audio
Skateline spera da pudair avrir
ord Actualitad dals 24.01.2018.
laschar ir. Durada: 1 minuta 47 Secundas.
La Skateline Alvra ils 24 da schaner 2018.
Legenda: La Skateline Alvra ils 24 da schaner 2018. RTR, Federico Belotti

RR actualitad 17:00

Artitgels legids il pli savens