Siglir tar il cuntegn

Header

Navigaziun

Simon Willi.
Legenda: Simon Willi, il president communal da Lantsch. RTR, B. Jenal
cuntegn

Grischun Central Simon Willi, il vegl e nov president da Lantsch

Simon Willi resta president communal da Lantsch. El è vegnì reelegì la dumengia saira. Medemamain ha la radunanza communala reelegì ils suprastants Benedikt Cadalbert, Gabriella Kollegger-Schapper e Kurt Wyss.

Da nov en la suprastanza communala da Lantsch entra Mark Piccaluga. El remplazza Jörg Cadosch ch'è sa retratg. Il suveran da Lantsch ha er approvà ils statuts da la nova Regiun Alvra e la cunvegna da prestaziun cun la Regiun Alvra concernent scola da musica Grischun Central.

Approvà credits en autezza da 157’000 francs

Plinavant han ils da Lantsch concedì in credit da 32’000 francs per 2 cuschinas en abitaziuns sin l’Alp Bual. Uschia pon las cuschinas existentas vegnir remplazzadas; quellas è passa 30 onns veglias.

Er approvà ha la radunanza communala in credit per la cumplettaziun da la susta tar la plazza da glatsch. Ils 125’000 francs vegnan duvrads per l’infrastructura necessaria sco tualettas, ina gardaroba ed in local da deposit.

RR novitads 10:00