Grischun Central - Segund «Bergfahrt Festival» ha cumenzà

1 / 6

Legenda: Part dal Bergfahrt Festival: Fredo Fallett fa excursiun tras il vitg cun visitaders dal festival. RTR, Federico Belotti

2 / 6

Legenda: In dals concerts è stà quel da Bibi Vaplan. RTR, Federico Belotti

3 / 6

Legenda: In concert en la sala dal Kurhaus. RTR, Federico Belotti

4 / 6

Legenda: Davart il scumond da fotografar da Bravuogn hai dà in'exposiziun. RTR, Federico Belotti

5 / 6

Legenda: Visitaders èn sa rimnads avant il hotel Kurhaus a Bravuogn. RTR, Federico Belotti

6 / 6

Legenda: Monika Schärer en discurs cun il comité d'organisaziun dal festival. RTR, Federico Belotti

Diversas producziuns dal festival han in connex cun la lingua rumantscha. Uschia èn per exempel da vesair a Bravuogn il clarinettist Domenic Janett ed il ghitarrist Robert Grossmann, che fan in concert cuminaivel e raquintan anecdotas. Er da la partida èn Leo Tuor, che legia or da ses pli nov roman, u Aliesch Vital, che creescha entaifer trais dis ina sculptura da fier vegl. Bibi Vaplan vegn a chantar chanzuns da ses nov album rumantsch «Cler cler».

Il festival ha in preventiv da radund 240’000 francs. Tar la davosa ediziun ch'è stada l’emprima ediziun dal «Bergfahrt Festival» han radund 700 persunas visità il festival. Tenor il comité d’organisaziun duai quel en l’avegnir avair lieu mintga dus onns.

audio

Saira: Bravuogn - live dal «Bergfahrt Festival»

05:11 min, ord Actualitad dals 01.06.2018.

laschar ir. Durada: 5 minutas 11 Secundas.

RR actualitad 17:00