Siglir tar il cuntegn
Inhalt

Grischun Central Seglias: Accident suenter surpassament

Sin la via dal Meir (Schyn) hai dà mesemna suentermezdi in accident sin la «Caselertobelbrücke». La Polizia chantunala tschertga perditgas.

Sin questa pund è l'accident capità.
Legenda: Sin questa punt è l'accident capità. Pocha

In auto immatriculà en l’Austria charrava da Casti en direcziun Tusaun. Sin la «Caselertobelbrücke» è l’auto vegnì surpassà d’in auto da la Svizra cun colur grisch-stgira. Tar quest surpassament è l’auto svizzer collidà cun la part davos da l'auto austriac. Sin quai è l’auto austriac collidà cun la saiv da segirezza da maun dretg e silsuenter sa fermà vulvì per 180 grads. L’auto ch’ha surpassà è silsuenter charrà enavant en direcziun Tusaun, senza da s’occupar da l’accident.

Polizia tschertga perditgas

Sco quai che la Polizia Chantunala scriva en sia communicaziun, stoppia l’auto da la Svizra esser donnegià davant da maun dretg. Il manischunz sco era persunas, che pon far ulteriuras indicaziuns davart l’accident duain s’annunziar tar la Polizia chantunala, telefon 081 632 54 54.