Scuntrada Savognin cun tants stans sco anc mai

Radund 80 expositurs èn stads preschents venderdi a la Scuntrada sin il stradun da Savognin. Quai èn tants sco anc mai, e circa 20 visitaders dapli che l’onn avant.

Laschar ir video «Gronda festa a Savognin - la Scuntrada»

Gronda festa a Savognin - la Scuntrada

1:43 min, sil punct dals 4.8.2017

La fiera è sco ils ultims onns vegnida organisada da l’Uniun da mastergnants e commerzi Surses. Era quest onn hai dà in program vast cun bleras attracziuns per ils uffants. Uschia tranter auter ina show dals pumpiers, ina paraid da raiver ed era Elvis, il bov da Giatgen Arpagaus è er puspè stà preschent.

Tar la baselgia da son Mitgel han sunà a las tschintg il Brass-Ensemble Piz Martegnas, ed a las otg la saira la Musica Instrumentala da Savognin. Lung da la Scuntrada hai dà differentas bars ch’han avert enfin las duas la notg. Ils organisaturs han quintà cun enfin 2'000 visitadras e visitaders. Per la davosa giada preschent cun in stan è stà Pietro Peduzzi da la mazlaria Peduzzi a Savognin. La primavaira va el en pensiun.


Ord l'archiv

Laschar ir video «Actualitad video dals 09.08.2013»

Actualitad video dals 09.08.2013

2:02 min, dals 4.8.2017

RR actualitad 17:00