Siglir tar il cuntegn
cuntegn

Grischun Central Scola da skis Beiva promova il sport d’enviern en la Kirghisia

En in’acziun da collecta ha Edda Hergarten da la scola da skis da Beiva rimnà material per far sport d’enviern. Ussa è ella vi dal planisar in viadi cun la rauba en la Kirghisia.

Gregor Vellacher ed Edda Hergarten da la scola da skis Beiva.
Legenda: Gregor Vellacher ed Edda Hergarten da la scola da skis Beiva. RTR, F. Belotti

La finamira dal project è, da promover il sport d’enviern en la Kirghisia. Edda Hergarten ha gia visità ina giada il pajais asiatic che cunfinescha cun la China. Il november da l’onn passà è ella stada ensemen cun trais scolasts da skis da Beiva en la Kirghisia a dar in’emna scola da skis. Il fanadur 2015 ha la scolasta da skis fatg in viadi da 6 emnas cun in camiun a Bishkek en la Kirghisia, nua ch’ella ha purtà skis ed unifurmas veglias da la scola da skis da Beiva.