Siglir tar il cuntegn
Inhalt

Grischun Central Scola da musica è dapli che mo far musica

La Scola da musica Grischun Central fa il mument in curs che declera la Passiun tenor Gion dal cumponist Johann Sebastian Bach. Tenor il manader da la scola Claudio Steier è la finamira da svegliar l’interess per tocs pli pretensius e far reclama per la scola da musica tar creschids.

Las participantas ed ils participants chantan in toc or da la Passiun da Gion da J.S. Bach.
Legenda: Las participantas ed ils participants chantan in toc or da la Passiun tenor Gion da J.S. Bach. RTR, Federico Belotti

«Nus vivain il mument betg en in temp nua ch’ins ha anc in stretg contact cun la bibla. E sch’ins va in pau a funs ed ins vesa tge ch’igl è tut en bal cun ils instruments e las furmas da la cumposiziun, alura ins vesa quant grond che quest toc è.», ha ditg Claudio Steier.

A la fin dal curs che cuzza duas sairadas a Casti, visitan las participantas ed ils participants dal curs in concert da Origen a San Murezzan, nua ch’il toc da Bach vegn interpretà.

RR actualitad 08:00