Schmitten: Sbassà il pe da taglia senza grond effect

L’entschatta da l’onn ha Ferrera/Schmitten sbassà il pe da taglia da 130% sin 100% da la taglia chantunala simpla. Cun questa mesira vul la vischnanca attrair dapli glieud che vegn ad abitar en vischnanca.

Schmitten ha ussa in sumegliant pe da taglia sco las vischnancas da Tavau e Albula/Alvra.

Legenda da maletgs: Schmitten ha ussa in sumegliant pe da taglia sco las vischnancas da Tavau ed Albula/Alvra. RTR, Federico Belotti

Sco quai che Hubert Weibel, il president communal da Ferrera ha ditg envers RTR saja quai in pass curaschus, ma bain ponderà. Tenor calculaziuns da las cifras dals davos tschintg onns avess en il futur betg d’esser damain en la cassa da taglias. La raschun: Cun l’augment da la taglia sin la facultad (da 1% sin 1.5%) e l’augment da la taglia sin immobiglias (da 1% sin 2%) quint'ins da pudair egualisar la perdita entras il sbassament dal pe da taglia. Schmitten incassescha ca. in mez milliun francs taglias ad onn.

E l'effect?

Il 2017 èn vegnidas vendidas a Schmitten duas chasas. Sche quai ha da far cun il sbassament da taglia n'ha Hubert Weibel betg pudì dir.

RR actualitad 07:00