Siglir tar il cuntegn

Header

cuntegn

Grischun Central Schefmedi dal spital Savognin è vegnì relaschà

Rudolf Horn ha ditg envers RTR, ch’il cussegl d’administraziun dal center da Sanadad Savognin haja visà ad el la plazza da schefmedi. Quai ha el era communitgà uschè al persunal dal spital regiunal Surses.

audio
Bunura: Discurs davart la relaschada dal schefmedi a Savognin
ord Actualitad dals 02.06.2015.
laschar ir. Durada: 4 minutas 38 Secundas.

Il cussegl d’administraziun n’ha betg confermà quest fatg e renvià a la communicaziun uffiziala. Davart ils motivs per la relaschada nagin che piglia posiziun.

Rudolf Horn ha lavurà durant quatter onns a Savognin sco schefmedi. Dasperas dat el curs da diagnostica dad ultrasun en il spital chantunal da Cuira.

Avant quatter onns aveva Rudolf Horn ditg en in’intervista cun RTR, ch’el veglia lavurar a la front e surpigliar responsabladad ils davos onns da sia carriera a Savognin. Il schefmedi partent ha tranter auter gia lavurà sco medi a Sent, a Samignun ed a Son Gagl.

Artitgels legids il pli savens