Siglir tar il cuntegn
Inhalt

Grischun Central Schefmedi da Savognin ha desditg la plazza

Stephan Remer ha desditg sia plazza sco schefmedi da Savognin. El banduna il Center da Sanadad sin la fin da november da quest onn. Quai ha confermà Gion Cola, il directur dal Center da sanadad Savognin.

Stephan Remer banduna il spital da Savognin.
Legenda: Stephan Remer banduna il spital da Savognin. RTR, Federico Belotti
Il spital da Savognin.
Legenda: Il spital da Savognin. RTR, Federico Belotti

Stephan Remer (49) lavura dapi il 2013 en il Center da Sanadad a Savognin. Il 2015 ha el surpiglià la plazza sco schefmedi da Rudolf Horn, ch’aveva survegnì la desditga senza preavis. Sco quai che Gion Cola ha ditg, bandunia Stephan Remer la plazza ord atgna voluntad. Tar la plazza dal schefmedi valia in termin da visar la plazza da sis mais.

La fin da quest mais discutescha il Cussegl d’administraziun dal Center da Sanadad ensemen cun la direcziun, co che la successiun da Stephan Remer duai vegnir organisada.