Siglir tar il cuntegn
cuntegn

Grischun Central Savognin: Via libra per nov hotel a 'Grava'

La regenza grischuna ha approvà la revisiun parziala da la planisaziun locala da la vischnanca Surses. Ils 30 da november 2015 aveva la vischnanca decidì questa revisiun parziala.

Ina fotografia da surengiu dal quartier Grava a Savognin - cun mellen èsi inditgà la zona nua ch'il hotel duess vegnir construì
Legenda: En questa regiun duai il nov hotel vegnir construì. mad (Comet Photoshopping GmbH / Dieter Enz)

Suenter ch'er la regenza ha ditg gea a la revisiun parziala da la planisaziun locala èn dadas las premissas per in nov hotel a Grava. La vischnanca transferischa duas parcellas da la zona da parcadi ad ina zona da hotel. Betg approvà ha la regenza dentant ils champs da la nova zona d'hotel che sa cruschan cun la zona da privel 1 sper l'aual Schletg.

RR novitads 9:00