Siglir tar il cuntegn

Header

audio
La glieud sa legra puspè sa s'inscuntrar
Or da Actualitad dals 06.08.2022.
laschar ir. Durada: 4 minutas.
cuntegn

Savognin Puspè ina «Scuntrada» normala senza restricziuns

55 exposituras ed expositurs èn s’annunziads a fiera annuala da quest onn. Sco quai che Patrick Thurner dal comité d’organisaziun ha ditg, saja quest dumber fitg allegraivel. Ina novaziun da quest onn saja il trampolin per uffants ed il parc da giugar cun legos gronds.

Quest onn possia la Scuntrada puspè vegnir manada tras en il rom usità. L’onn passà aveva quai anc dà restricziuns pervi da corona, mo ustarias pudevan vender bavrondas. Quest onn possian era bars senza atgna ustaria puspè esser preschentas, ha ditg Thurner. Da la partida è era puspè la tenda dals mastergnants, che fa attent sin las offertas. Quest onn sajan però pli paucas firmas preschentas, perquai ch’i hajan il mument fitg blera lavur, ha Thurner ditg. En il rom da la fiera annuala ha l’organisaziun da la Scuntrada ensemen cun la vischnanca da Surses envidà tut ils commembers da l’uniun Anavant Surses sco era ils novdomiciliads da Surses ad in apero da beneventaziun. La Scuntrada a Savognin vegn quest onn per l’emprima giada manada tras da l’uniun da mastergn Surses, da l’uniun Anavant Surses sco era da Savognin Turissem.

RTR actualitad 08:00

Artitgels legids il pli savens

Scrollar a sanestra Scrollar a dretga